Wardezeid

Ea sidzd voa meina Dia

auf Einlass wardn duad,

beharrlich schaud mi uu

i fui mi goned guad.

 

Schbrungbereid ea iis

de Gelegnheid, sie kimmd,

i mach de Dia ned auf

s´is nu z´friah, beschdimmd.

 

Sei greana Mandl glänzd

Schuah, ea koane brauchd,

wui Eindrugg schindn arg

mi des saggrisch schlauchd.

 

De Zung so graislich lang

zoagd ea mia unscheniad

mid da Krone auf´n Kopf

anschdändig sich blamiad.

 

Den Frosch, i soi den küssn

damids a Brinz glei wead

wo kaam ma denn do hi

i hoff i bin ned gschead.

 

Lass den Frosch obblidzn

draussn sidzd nu heid

wos bringdn Gäid und Goid

i mog nua „Duachschniddsleid"

 

© Teresa Ruebli